بینەر:
(1.3K)
دەستەی گشتیی حەشدی شەعبی بڵاوی كردەوە، سەركردەیەكی مەترسیداری داعشیان گرت، كە لە زیندانی شەدادی ڕایكردبوو و هەوڵی دا دزە بكاتە ناو خاكی عێراقەوە.
ئەمڕۆ سێشەم 20ـی كانوونی دووەم، دەستەی گشتیی حەشدی شەعبی بڵاوی كردەوە، سەركردەیەكی مەترسیداری داعش لەلایەن حەشدی شەعبییەوە گیراوە، لە زیندانی شەدادی ڕایكردبوو و هەوڵی داوە خۆی بگەیەنێت بە شاری مووسڵ.
ئاماژەی بەوەش كردووە، ئەو سەركردەیەی داعش ڕاستەوخۆ بەرپرسی پێگەكانی داعش لە مووسڵ و خاكی سووریا، سەرپەرشتیكردنی پلاندانان و جێبەجێكردنی چالاكییە تیرۆریستییەكان و ڕێكخستنی جووڵەی شانە نوستووەكان لەو ناوچانە بووە.
حەشدی شەعبی باسی لەوەش كردووە، ئەم ئۆپراسیۆنە گورزێكی تەناهیی بە ئازارە دژی ڕێكخراوی داعش و دەڵێت، ئامادەكاریی تەواومان كردووە بۆ ڕووبەڕووبوونەوەی چەكدارە مەترسیدارەكانی داعش.
Leave a Reply