ئەمڕۆ دووشەم 12ی تشرینی یەكەمی 2026، سەرۆك وەزیرانی بەریتانیا ناردنی سیستەمی بەرگریی ئاسمانی و فڕۆكەیەكی سەربازیی بۆ سعوودیە پشتڕاست كردەوە بە مەبەستی پشتگیریكردنی شەڕەكەی دژی حووسییەكان لە یەمەن، هاوكات پێكدادانەكان لە یەمەن چڕتر بوونەتەوە و بەهۆی هێرشە مووشەكییەكانیشەوە فڕۆكەخانەی ڕیاز بەداخراوی ماوەتەوە.
لە لێدوانێكی ڕۆژنامەوانیدا ئاندی بێرنهام سەرۆك وەزیرانی بەریتانیا ڕای گەیاند كە سیستەمی بەرگریی ئاسمانی و فڕۆكەیەكی لە جۆری “ڤۆیێجەر”یان ناردووەتە سعوودیە بۆ پشتگیریكردنی شەڕی ئەو وڵاتە دژی بزووتنەوەی ئەنساروڵا (حووسییەكان) لە یەمەن.
سەبارەت بە كاری فڕۆكە سەربازییەكە، ئاندی بێرنهام زیاتر گوتی، ئەو فڕۆكەی ڤۆیێجەرەی نێردراوەتە سعوودیە، 14 ئەركی ئۆپراسیۆنی جێبەجێ كردووە.
ئاماژەی بەوەیش كرد، هاوكارییە سەربازییەكان بۆ سعوودیە زۆر پێویستن لەپێناو پاراستنی هاووڵاتییانی مەدەنی.
Leave a Reply