بینەر:
(1.4K)
لە هێرشێکی چەکداریدا لە شاری كەركووك، ئەفسەرێکی باڵای پۆلیس کە لە پێکهاتەی مەسیحییە، لە نزیک ماڵەکەی خۆی تەقەی لێ کرا و گیانی لەدەست دا.
ئەمڕۆ هەینی 19ی کانوونی یەکەم، سەرچاوەیەکی پزیشکی لە كەركووك ڕای گەیاند، عەقید (زێد عادل سەبیح) کە سەر بە پێکهاتەی مەسیحییە و پێشتر بەڕێوەبەری بنکەی پۆلیسی عەرەفە بووە، لە گەڕەکی عەرەفە و لە نزیک کەنیسە تەقەی لێ کراوە.
بەپێی زانیارییەکان، چەکدارە نەناسراوەکان لە کاتێکدا تەقەیان لەو ئەفسەرە کردووە کە لە نزیک ماڵەکەی خۆی بووە، بەهۆیەوە بە سەختی بریندار بووە و دوای گەیاندنی بە نەخۆشخانە، گیانی لەدەست داوە.
دوای ڕووداوەکە هێزە تەناهییەکان ناوچەکەیان گەمارۆ داوە و لێکۆڵینەوەیان بۆ دۆزینەوەی بکەرانی تاوانەکە دەست پێ کردووە.
Leave a Reply