لە سبەینێوە دەست بە دابەشكردنی نەوتی ماڵان دەكرێت، بەگوێرەی ئەو خشتەیەی بڵاو كراوەتەوە دانیشتووانی سێتاقان، كورانی عەنكاوە، سەفین و تەیراوە نەوت وەردەگرن.
پاڵپشت بە خشتەی ئەو گەڕەكانەی كە بڵاو كراونەتەوە، نرخی هەر 100 لیتر 31 هەزار دینارە و تەنیا بە كارتی ئەلیكترۆنی دەدرێت.
ئەمڕۆ دووشەم 19ی كانوونی دووەم، سالار محەمەد لە لیژنەی پشكنین و بەدواداچوون ڕای گەیاند، سبەی سێشەم دابەشكردنی نەوتی سپی لە گەڕەكەكانی سێتاقان، كورانی عەنكاوە، سەفین و تەیراوە دەست پێ دەكات، دابەشكردنەكەیش تەنیا لە ڕێگەی كارتی ئەلیكترۆنییەوە دەبێت.
پرۆسەی دابەشكردنی نەوت بۆ هەر خێزانێك بڕی 100 لیترە بە نرخی 31 هەزار دینارە.
خشتەكەی سبەی بەمشێوەیە دەبێت:
دانیشتووانی گەڕەكی سێتاقان دەتوانن لە بەنزینخانەی (وزە) نەوت وەربگرن.
دانیشتووانی هەردوو گەڕەکى کورانى عەنکاوە و سەفین، دەتوانن لە بەنزینخانەی (گەردی) لە ڕێگای بەحركەی كۆن – بەرامبەر گوندی شێخە شەل، نەوت وەربگرن.
Leave a Reply