سیر یەكێكە لە خۆراكە زۆر بەسوودەكان و بە پارێزەری جەستە دادەنرێت بەرانبەر بە نەخۆشییەكان، د. كامەران رەسووڵ ژاژڵەیی پزیشكی پسپۆڕی زانستی خۆراك لە چەند خاڵێكدا ئاماژەی بە سوودەكانی كردووە.
1. یارمەتی دابەزاندنی ئاستی كولیسترۆڵی خراپ و دابەزاندنی فشاری خوێن دەدات.
2. یارمەتیی خۆپاراستن دەدات لە جەڵتەی دڵ و مێشك و نەخۆشی تەسكبوونەوەی خوێنبەرەكان و ڕێگریكردن لە مەینی خوێن۰
3. پاراستنی تەندروستیی دڵ.
4. بەهێزكردن و چالاككردنی بەرگریی جەستە و خۆپاراستن لە پەتا و ئەنفلوەنزا و نەخۆشییە گواستراوەكانی تر.
4. خۆپاراستن لە چەندان جۆری شێرپەنجە، بەتایبەت شێرپەنجەی كۆڵۆن، گەدە، پەنكریاس، مەمك و پرۆستات.
5. یارمەتیی خۆپاراستن لە هەندێك جۆری كرم و مشەخۆرەكانی ناو گەدە دەدات۰
6. یارمەتیی زو چاكبوونەوە لە پەتا و هەڵامەت و ئەنفلەوەنزا دەدات، لەگەڵ نەهێشتنی بەڵغەم، كۆكە و پاككردنەوەی سییەكان.
7. زۆر بەسوودە بۆ بەهێزكردنی مووەكانی قژ، چارەسەركردنی قژڕووتانەوە و خۆپاراستن لێی، هەروەها ڕۆڵی هەیە لە پاراستنی تەندروستی پێست، گەشبوونەوەی و نەهێشتنی چرچولۆچی، خاڵ، زیپكە و لاوازیی دەموچاو.
8. بەسوودە لە كەمكردنەوەی نیشانە و ماكە درێژخایەنەكانی نەخۆشیی شەكرە وەك كێشەكانی گورچیلە و كۆئەندامی دەماروچاو، هەروەها یارمەتی كۆنترۆڵكردنی ئاستی شەكرە دەدات.
9. كەڵكی زۆرە بۆ خانمانی دووگیان و كەمكردنەوەی ئەگەری حاڵەتی (تسمم الحمل) و ڕۆڵی هەیە بۆ گەشەی كۆرپەڵە و خۆپاراستن لە هەوكردن لە كاتی سكپڕیدا.
11. یارمەتیی دابەزاندنی كێش دەدات.
Leave a Reply