بینەر:
(544)
میدیای عێراقی ئاشكرای دەكات، تەقینەوەیەك لە كەشتییەكی بیانیی زەبەلاح لە ئاوی كەنداو لە نزیك بەندەری ئوم قەسری عێراقی رووی داوە و تا ئێستە هۆكارەكەی دیار نییە.
ئەمڕۆ دووشەم یەكی حوزەیران، ماڵپەڕی سۆمەریە نیوز بڵاوی كردووەتەوە، كەشتی زەبەلاحی MSC SARISKY V لە ئاوی كەنداو لە نزیك بەندەری ئوم قەسر، تەقینەوەیەكی گەورە تێیدا رووی داوە و نازانرێ هۆكارەكەی چییە.
سەرچاوەیەكی تەناهی بە ماڵپەڕەكەی راگەیاندووە، لایەنی پێوەندیدار دەستیان بە لێكۆڵینەوە كردووە، بەڵام تا ئێستە هۆكار و قەبارەی زیانەكان نازانرێت.
هەندێك لە ماڵپەڕە عێراقییەكان باسیان لەوە كردووە، ئەو كەشتییە پێشتر بارەكانی لە ئوم قەسر داناوە و كاتێك بەتاڵ بووە، تووشی تەقینەوە بووە.
لە ماوەی شەڕی ئێران چەندان جاری تر كەشتییەكانی عێراق لە كەنداو كراونەتە ئامانج.
Leave a Reply