بازاڕی دراوە دیجیتاڵییەکان (کریپتۆ) لە سەرەتای ئەمساڵەوە نزیکەی یەک تریلیۆن دۆلاری لە بەهاکەی لەدەست داوە، ئەمەش بەهۆی لاوازبوونی خواستی وەبەرهێنەرانەوە بووە کە بووەتە هۆی دابەزینێکی بەرچاوی بەهای بتکۆین و دراوەکانی تر و داخستنی چەندین سندوقی وەبەرهێنان.
بەهای بتکۆین بە ڕێژەی 28% دابەزیوە، لە کاتێکدا زیانەکانی پێوەری دراوە بچووکەکان 40%ی تێپەڕاندووە. دراوەکانی وەک دۆج کۆین، سۆلانا و کاردانۆ (ADA) نزیکەی نیوەی بەهاکەیان لەدەست داوە، هاوکات قەبارەی مامەڵەکان دابەزیوە و پلاتفۆڕمە گەورەکان دەستیان کردووە بە سڕینەوەی هەندێک دراو لە لیستەکانیان.
وەک نیشانەیەک بۆ ساردبوونەوەی خواست، کۆمپانیای گرەیسکەیڵ ئینڤێستمێنتس پلانی بۆ دەرکردنی سندوقی وەبەرهێنانی بۆ دراوەکانی کاردانۆ، پۆلکادۆت و هێدێرا ڕاگرت. هەروەها چەندین کۆمپانیای تریش بەرهەمە وەبەرهێنانییەکانیان داخست، لەوانە بتوایز کە دوو سندوقی داخست، و دایرێکسیۆن کە سندوقەکانی “لەمبۆ” و “رێکت”ی داخست، و ترەمپ میدیاش لە پلانی دەرکردنی سندوقێکی هاوبەشی بتکۆین و ئیسەر پاشگەز بووەوە.
بەپێی ڕاپۆرتەکە، ئەمە گۆڕانکارییەک لە ڕەفتاری وەبەرهێنەرە تاکەکاندا نیشان دەدات، کە پێشتر هاندەری سەرەکیی شەپۆلەکانی قازانج بوون. خواست لەسەر دراوە بچووکەکان بە ئاستێک دابەزیوە کە چیتر تێچووی کارپێکردنی هەندێک بەرهەمی تایبەتمەند ناگرێتەوە.
Leave a Reply