بینەر:
(858)
بەڕێوەبەرایەتیی پۆلیسی پارێزگای هەولێر ڕای گەیاند، ئەمشەو لە شارەدێی ڕزگاری بەهۆی کێشەیەکی کۆمەڵایەتییەوە تەقە کراوە و دوو کەس کوژراون، هێزەکانیشیان دەستبەجێ تۆمەتبارانیان گرتووە.
ئەمشەو چوارشەم 25ی شوباتی 2026، پۆلیسی هەولێر لە ڕوونکردنەوەیەکدا بڵاوی کردەوە، سەعات 8:00ی ئێوارە لە شارەدێی ڕزگاری، لەسەر کێشەیەکی کۆمەڵایەتی کەسێک تەقەی کردووە.
لە ڕاگەیەنراوەکەدا هاتووە، لە ئەنجامی تەقەکردنەکەدا دوو کەس بە ناوەکانی (زوهێر مستەفا بۆزۆ) و (محەمەد یووسف مەلا فەرخ) کوژراون.
پۆلیسی هەولێر ئاشکرای کردووە، دەستبەجێ تیمەکانیان گەیشتوونەتە شوێنی ڕووداوەکە و هەردوو تۆمەتباری سەرەکییان بە ناوەکانی (ی. م. ع) و (ع. ی. م) گرتووە.
بەپێی پۆلیس، تۆمەتبارەکان ددانیان بە تاوانەکەیاندا ناوە و لێکۆڵینەوەش بەردەوامە.
Leave a Reply