تۆم باراك نێردەی سەرۆكی ئەمەریكا بۆ كاروباری عێراق و سووریا بە توندی سەركۆنەی ئەو هێرشەی كرد كە كرایە سەر نووسینگەی تایبەتی مەسروور بارزانی سەرۆكی حكوومەتی هەرێمی كوردستان.
ئەمڕۆ دووشەم 17ی ئاب، تۆم بەراك نێردەی سەرۆكی ئەمەریكا بۆ كاروباری عێراق و سووریا لە پەیامێكدا لە X نووسیویەتی: ئێمە بە توندی سەركۆنەی ئەو هێرشە دەكەین كە كرایە سەر هاوڕێ و هاوبەشە كوردە بەنرخەكەمان، مەسروور بارزانی سەرۆكی حكوومەتی هەرێمی كوردستان و نووسینگەكەی لە هەولێر.
ئاماژەی بۆ ئەوە كردووە كە ئەم جۆرە دەستدرێژییە دژ بە هاوپەیمانە كوردە جێمتمانەكانمان بە هەموو شێوەیەك قبووڵ نەكراوە و هەڕەشەیەكی راستەوخۆیە بۆ سەر سەقامگیریی ناوچەكە. ئێمە چاوپۆشی لەم دوژمنكارییانە ناكەین و لێیان بێدەنگ نابین.
” ئێمە پشتیوانیی تەواو لە سەركردایەتیكردنی عەلی زەیدی، سەرۆك وەزیرانی عێراق دەكەین لە پێناو گێڕانەوەی سەروەریی تەواوەتیی عێراق و دەستەبەركردنی ئەوەی سەرجەم چەك و هێزە ئەمنییەكان لە ژێر دەسەڵات و كۆنتڕۆڵی دەوڵەتی عێراقدا بمێننەوە” باراك وا دەڵێ.
Leave a Reply