سەركۆنەكردنی هێرشە درۆنییەكانی سەر نووسینگەی تایبەتی مەسروور بارزانی سەرۆك وەزیرانی كوردستان و شوێنی حەوانەوەی بەرپرسی ئاژانسی پاراستن بەردەوامە، هاوپەیمانی عەزم سەركۆنەی هێرشەكانی كرد دووپاتی كردەوە كە پاراستنی سەروەریی عێراق و ئاسایش و سەقامگیرییەكەی ئەركێكی لەپێشینەی نیشتمانییە.
بەپێی بەیاننامەیەكی هاوپەیمانیەتەكە، هاوپەیمانی عەزم سەركۆنەی هێرشەكانی سەر نووسینگەی تایبەتی مەسروور بارزانی سەرۆكی حكوومەتی هەرێمی كوردستان و شوێنی حەوانەوەی بەرپرسی ئاژانسی پاراستن لە هەرێم دەكات، دووپاتی كردەوە كە ئەو جۆرە رووداوانە بەهۆی كاریگەرییان لەسەر ئاسایش و سەقامگیری مایەی نیگەرانین.
روونی كردەوە، پێویستە لەسەر بنەمای ئەنجامی لێكۆڵینەوەی لایەنی پێوەندیدار مامەڵە لەگەڵ رووداوەكە بكرێت، دووپاتی كردەوە كە ئاسایشی هەرێمی كوردستان بەشێكی دانەبڕاوە لە ئاسایشی عێراق و مامەڵەكردن لەگەڵ ئەو جۆرە رووداوانە پێویستیی بە هاوئاهەنگییەكی تەواوە لە نێوان دامەزراوە فیدراڵی و تایبەتمەندییەكانی هەرێم بۆ گەیشتن بە راستی رووداوەكە و دیاریكردنی بەرپرسیارەتییەكان لە چوارچێوەیەكی یاساییدا.
Leave a Reply