لە دوای هێرشە درۆنییەكانی ئەمڕۆی سەر نووسینگەی تایبەتی مەسروور بارزانی سەرۆك وەزیرانی كوردستان و شوێنی حەوانەوەی بەرپرسی ئاژانسی پاراستن و بەهۆی بەردەوامیی هێرشە درۆنییە بێ پاساوەكان بۆ سەر هەرێمی كوردستان، 90 پەرلەمانتاری عێراق واژوویان لەسەر داوایەك كردووە بۆ سازكردنی دانیشتنی نائاسایی پەرلەمانی عێراق لە هەولێر.
مستەفا كوبەیسی ئەندامی لیژنەی پێوەندییەكانی دەرەوە لە پەرلەمانی عێراق لەی پۆستێك نووسیویەتی، زیاتر لە 90 پەرلەمانتاری عێراق واژوویان لەسەر داوایەك كردووە بۆ سازكردنی دانیشتنێكی نائاسایی پەرلەمان لە شاری هەولێر، ئەوەش وەك پاڵپشتی و هاوشانییەك بۆ خەڵكی كوردستان و وەك وەڵامدانەوەی هەر دەستدرێژییەك بۆ سەر خاكی عێراق.
ئەمڕۆ دووشەم مەسروور بارزانی سەرۆكی حكوومەتی هەرێمی كوردستان، لە پۆستێكیدا لە تۆڕی ئێكس ئاماژەی كرد، دوابەدوای لێكۆڵینەوەی دژەتیرۆری هەرێمی كوردستان، نووسینگەی تایبەتی خۆم و ماڵی سەرۆكی دەزگەی پاراستن، ئەمڕۆ دووشەم بە درۆنی ئێرانی بە ئامانج گیران.
Leave a Reply