ژنێكی تەمەن 70 ساڵان دەكەوێتە تەڵەی چەند دزێكەوە و بەناوی ئەوەی پۆلیسن و ئەو زێرانەی كڕیونی پێشتر دزراون، بۆ پشكنین دەیانبەن، بۆیە زیاتر لە كیلۆیەك زێڕیان رادەست دەكات.
تەلەفۆنێك بەناوی بنكەی پۆلیسەوە بۆ زەكییە ئاسڵانی تەمەن 70 ساڵان دێت و پێی دەڵێت، كچەكەت زێڕی كڕیوە و گومان دەكرێت دزرابن، بۆیە پۆلیس دەنێرن زێڕەكانیان بدەرێ تا پشكنینی بۆ بكەن.
دزەكە بەناوی پشكنینی پۆلیسەوە داوا لە زەكییە دەكات كە زێڕەكانیان تازە كڕیوە، پێشتر دزراون و دەبێت بیانپشكنن با زانین ئەون یان نا، ئەویش بێ بیركردنەوە رادەستیان دەكات و ئیتر ناپرسێت ئێوە كێن و ئەگەر پۆلیسن، بۆچی ئۆتۆمبێلی پۆلیستان پێ نییە، یان ناسنامەیەك پێشان بدەن.
دوای ئەوەی سكاڵا دەكات، لە ئەنجامی لێكۆڵینەوە و بەدواداچوونی تیمەكانی هۆبەی ئاسایشی سەربە بەڕێوەبەرایەتیی پۆلیسی ئامەد، هەریەك لە (ی.ئـ)، (ئی.ئـ) و (ئـ.م) كە دزەكان بوون گیران.
رووداوەكە لە شارۆچكەی كایاپناری سەربە ئامەدی باكوری كوردستان رووی داوە، پێشترش زەكییە دزییەكی تری لێ كراوە و گومان دەكرێت هەمان ئەو كەسانە بن كە ئێستە زێڕەكانیان دزیوە.
Leave a Reply