![\"\"](\"/imgnews/2682025122800_Zfvsxcgb.jpg\")
وێستگهنیوز-
میدیای یهكێتیی نیشتمانیی كوردستان رایگهیاند كه له چهند كاتژمێری داهاتوودا دانپێدانانی گرووپێكی لالهزار بڵاودهكرێتهوه، دهشڵێت: \”بهنیازی پیلانگێڕی و كودهتا بوون\”.
رۆژنامهی كوردستانی نوێ كه یهكێكه له میدیا فهرمییهكانی یهكێتی له فهیسبووك نووسیویهتی: \”له چهند سهعاتی داهاتوودا دانپێدانانی گرووپێكی لالهزار بڵاودهكرێتهوه كه بهنیازی پیلانگێڕی و كودهتا بوون\”.
رۆژنامهكه دهڵێت: \”پیلانهكهش تهنیا بۆ سلێمانی دانهڕێژراوه، بهڵكو ئامانجهكهیان فراوانتر بووه و بهنیاز بوون له سلێمانی، ههڵهبجه، ئیدارهكانی گهرمیان و راپهڕین له حكومهت ههڵبگهڕێنهوه\”.
كوردستانی نوێ راشیگهیاندووه كه گرووپهكهی لالهزار پیلانیان ههبووه \”دهست بهسهر دامودهزگاكانی حكومهت و ئیدارهی سلێمانیدا بگرن\”.
ئهمهش دوای ئهوه دێت كه شهوی پێنجشهممه لهسهر ههینی 21 لهسهر 22ی ئابی 2025 هێزێكی ئهمنی له سلێمانی له هۆتێل لالهزار نزیكبوونهوه بۆ دهستگیركردنی لاهور شێخ جهنگی و چهند بهرپرسێكی تری بهرهی گهل، دوای چوار كاتژمێر رووبهڕووبوونهوه، بەیانی رۆژی ههینی میدیاکانی یەکێتیی نیشتمانیی کوردستان دەستگیرکردنی لاهور شێخ جەنگی، سەرۆکی بەرەی گەل و پۆڵاد شێخ جەنگی و ئاسۆ شێخ جەنگی و رێبوار حامی حاجی غالی و چەند کەسێکی دیکەی راگەیاند، دواتریش پێكدادانهكان راگیران. بههۆی شهڕهكهوه چهندین كهس له ههردوولا كوژران و برینداربوون.
AM:11:23:26/08/2025
ئهم بابهته 292
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت
Leave a Reply