روانگهى ئیكۆ- عێراق كه روانگهیهكى ئابوورییه، مهزنده دهكات زیانى رۆژانهى كۆرمۆر دواى هێرشه تیرۆریستییهكه، حهوت ملیۆن و 410 ههزار دۆلار بێت.
ئهمڕۆ شهموو 29ى تشرینى دووهم، روانگهى ئیكۆ- عێراق خهمڵاندن بۆ زیانهكانى كۆرمۆر دهكات و باس لهوه دهكات بهر له هێرشهكه، كۆرمۆر رۆژانه 530 ملیۆن پێ سێجا گازى بهرههم هێناوه، نرخى ملیۆنێك پێ سى 10 ههزار دۆلار بووه. ئهو كێڵگهیه سێ جۆر گازى بهرههم هێناوه. گازى سروشتى شل LNG كه بۆ بهرههمهێنانى كارهبا بهكار دههێنرێت. گازى LPG كه بۆ ئۆتۆمبێل و ماڵان بهكار دههێنرێت. جۆرى دووهمیان رۆژانه به بڕى ههزار و 580 تۆن بهرههم دههێنێت. نرخى ههر تۆنێك 500 دۆلاره. ههروهها گازى چڕ Gas Condensate به بڕى 22 ههزار بهرمیل له رۆژێكدا بهرههم دههێنێت و نرخى ههر بهرمیلێكیش 60 دۆلاره.
به خهمڵاندنێكى سهرهتای روانگهى ئیكۆ، رۆژانه حهوت ملیۆن و 410 ههزار دۆلاره و دووپاتیشى دهكاتهوه، ئهو زیانه كرێى كۆمپانیا و كرێى هێڵهكانى گواستنهوه و زیانهكانى نزمبوونهوهى بهرههمى كارهبا ناگرێتهوه.
شهوى چوارشهم به درۆن هێرش كرایه سهر كێڵگهى كۆرمۆر، له ئهنجامدا بهرههمى كێڵگهكه وهستا و حكوومهتى ههرێمى كوردستان كردهوهكهى به تیرۆریستى وهسف كرد.















Leave a Reply