هاوكات لەگەڵ شێوانی زیاتری دۆخی ئێران بەهۆی سزاكانی ئەمەریكا و پێشبینییەكان لەبارەی دەست پێكردنی گەڕێكی تری شەڕ لەدژی ئێران، نرخی دراوە بیانییەكان بەرانبەر بە تمەنی ئێران لە زیادبوون بەردەوامە، هەرچی دۆلاری ئەمەریكییە نرخەكەی سنووری 115 هەزار تمەنی تێپەڕاندووە.
ئەمڕۆ شەموو نرخی دۆلاری ئەمەریكی گەیشتە 115 هەزار و 300 تمەتی ئێرانی، واتە بە زیادبوونی هەزار دۆلار بە بەراورد بە نرخەكەی چوارشەمی رابردوو كە گەیشتە 112 هەزار و 800 تمەن، ئەو هەڵبەزینەش لە سەرەتای ئەم هەفتەوە دەستی پێ كردووە، كاتێك نرخی دۆلار لە 8ی ئەم مانگە 108 هەزار تمەن بوو، واتە لەو ساتەوە تا ئێستە پێنج هەزار تمەن بەرز بووەتەوە، كە دەكاتە 5.2%.
لە ماوەی دوایی نرخی دراوە بیانییەكان بەرانبەر بە دراوی ئێرانی زۆر هەڵكشا، ئەوەش وای كرد كە بەهای هەڵاوسان و نیگەرانیی خەڵك زیاتر بێت، كە رەنگە ئاماژەیەكی رژد بێت بۆ تێكچوونی دۆخی ئابووری ئەو وڵاتە، لەوكاتەی ناوەندی هەڵاوسانی ساڵانە بۆ ئەم مانگە گەیشتە 40.4%.















Leave a Reply